Dasht-e-Tanhai

To begin with, a beautiful poem by Faiz Ahmed Faiz on longing and love in times of separation.

Dasht-e-tanhai mein ai jaan-e-jahaan larzaan hain

Teri aavaaz kay saaey, teray honton kay saraab

Dasht-e-tanhai main dooree kay khas-o-khaak taley

Khil rahay hain teray pehloo kay saman aur gulaab

Uth rahee hai kaheen qurbat teri saans kee aanch

Apnee khushboo main sulagti hui madham madham

Door ufaq paar chamaktee hui qatra qatra

Gir rahi hai teri dildaar nazar ki shabnam

Is qadar pyaar say ai jaan-e-jahaan rakha hai

Dil kay rukhsaar pay is waqt teri yaad ne haath

Yun gumaan hota hai gerchey hai abhi subh-e-firaq

Dhal gaya hijr ka aa bhi gaee wasl ki raat.

Also check out this mesmerizing rendition of the same by Ghazal singer Tina Sani. Simply outworldly.